對話一月月來佩姨家作客，佩姨正在跟友人打電話，高談闊論，興高采烈之際，忽然來一句”黐線”。
月月隨即瞪眼望佩姨。佩姨掛了電話，還回味剛才跟朋友討論的開心話題，月月即用校長式的訓示：「黐線係好冇禮貌嘅！你唔可以講！」
佩姨賴皮，想繼續開玩笑：「佩姨係爛仔佩，咪講”黐線”囉！」
月月見硬功不收效，仍然未能點化冥頑不靈的佩姨，遂展開溫柔攻勢，把身挨近：
「你咁靚女，唔好做爛仔佩，做禮貌佩，好唔好？」
佩姨投降，只好答應要以後注意禮貌。
對話二
月月正在欣賞佩姨的最新畫作，選了最喜歡的一幅，然後仔細參詳。
月月：「２００８年前面呢個係咩英文嚟？」
佩姨：「係佩姨嘅英文名囉。」
月月：「點讀呢？」
佩姨用心地唸：「tsz......pui......」
月月：「tsz?!係咪即係白痴個痴呀？」
佩姨頓時轟了頂，只能瞪大雙眼，啞口無言！！
